396
Ұлы отан соғысының ардагері, белгілі өлкетанушы Сергей Пресняков 100-ге келді, деп хабарлайды Qyzyljarnews.kz тілшісі.
Сергей Пресняков 38 атқыштары бригадасы құрамында Мәскеу түбіндегі ұрыстарға қатысқан. Соғыстан кейін партия органдарында еңбек еткен. Зейнетке шыққасын ардагерлер ұйымын басқарды. Өмірінің басым бөлігін өлке тарихын зерттеуге арнаған қария Солтүстік Қазақстан облысының дамуына үлес қосты. Жоғары оқу орындарында студенттерге арнап өлкетану сабақтарын жүргізіп, ел тарихы жайлы кітаптар жазды.
Облыс әкімі Құмар Ақсақалов ардагердің мерейтойына орай Президенттің алғысын оқып, төсбелгі тақты. Сондай-ақ ғасыр жасаған қарияға қазақтың дәстүрімен шапан жапты.
Фото: Талғат Тәнібаев.
