Қазақстан Республикасы Парламенті Сенатының жалпы отырысында депутаттар меншік иелері бірлестігіне және қарапайым серіктестіктерге көшу мерзімдерін 2023 жылғы 1 шілдеге дейін ұзарту туралы ұсыныс жасаған заң жобасын Мәжіліске қайтарды, деп хабарлайды Qyzyljarnews.kz тілшісі.
Сенатор Ерік Сұлтановтың айтуынша, Заң жобасын талқылау барысында Сенат депутаттары бірқатар өзгерістер мен толықтырулар енгізді. Оның ішінде жылжымайтын мүлікті рәсімдеу мәселелерін қарау жөніндегі комиссияның қызметі мен құзыреті бойынша нормаларды нақтылау, көппәтерлі тұрғын үйлердің кондоминиум объектісін басқарудың жаңа нысандарына көшу мерзімдерін 2023 жылғы 1 шілдеге дейін ұзарту бар — деді Сенат депутаты Ерік Сұлтанов.
Карантиндік шаралар кезеңінде пәтерлер мен тұрғын емес үй-жайлар иелерінің жиналыстарын өткізу проблемаға айналды. Соның салдарынан бүгінде көппәтерлі тұрғын үйлердің барлығы басқарудың жаңа түріне көшкен жоқ.
Pexels иллюстрациялық фотосы
