Президент Қасым-Жомарт Тоқаев Ұлттық құрылтайдың алғашқы отырысында Қазақстан тарихының көп томдығы әзірленіп жатқанын айтты, деп хабарлайды Qyzyljarnews.kz тілшісі.
-Мен былтыр еліміздің академиялық үлгідегі жаңа тарихын жазу туралы тапсырма бердім. Қазір Қазақстан тарихының көп томдығы әзірленіп жатыр. Белгілі ғалымдарымыз жұмылып, осы маңызды іске атсалысуда. Мен өзім де бұл жұмысқа үлесімді қосамын. Оны келесі жылдың ортасында түбегейлі аяқтау керек. Дегенмен, мәселе уақытта емес, сапада, — деді мемлекет басшысы.
Қасым-Жомарт Тоқаев ел тарихы жүйелі, шынайы, ең бастысы, тәуелсіз елдің көзқарасымен жазылуы керек екенін атап өтті. Сондай-ақ Ғылым және жоғары білім министрлігіне айрықша қадағалауды тапсырды. Қажет болса, бұл жұмысқа шетел ғалымдары да тартылады.
Фото: akorda.kz
