Петропавлда 6 шілде — Елорда күнін қалай аталып өтетіні белгілі болды. Мереке негізінен, әдеттегідей орталық алаңда тойланады, деп хабарлайды Qyzyljarnews.kz тілшісі.
Сағат 11-де Астана күніне орай мерекелік концерт басталады. Сағат 13:00-15:00-ге дейін аниматорлардың қатысуымен балалар үшін қызықты бағдарламалар ұйымдастырылады. Елорда күнін мерекелеу сағат 17:00-ден 19:00-ге дейін өтетін музыкалық ретро-бағдарламамен аяқталады. Сонымен қатар, білім бөлімі Орталық мәдениет және демалыс саябағына кіре берісте суреттер байқауы мен караоке алаңын ұйымдастырмақ. Мектеп жанындағы алаңдарда блиц-турнирлер, викториналар және флешмоб өтеді. «Березка» және «Достық» жазғы сауықтыру лагерлерінде суреттер байқауы және мерекелік концерттер өтеді деп жоспарланған.
Қазақстан Конституциясы көшесінде 2 мерекелік фотозона орнатылады, сондай-ақ қаланың билбордтарында 10 баннер қойылады.
Фото: ашық дереккөздерден
