Солтүстікқазақстандық полицейлер жол қауіпсіздігін қатаматасыз ету мақсатында 2 апта бойы күшейтілген режімде жұмыс істеді. «Жол-көлік оқиғасын тоқтатамыз» акциясының 12 күнінде мас күйде көлік тізгіндеген 54 жүргізуші жауапқа тартылды, деп хабарлайды Qyzyljarnews.kz тілшісі.
-Іс-шара кезінде облыс жолдарында 3317 құқық бұзушылық анықталды. Оның ішінде 600-ден астам жылдамдық режімін бұзу фактісі анықталды, бұл әсіресе жауын-шашын кезінде қауіпті, дымқыл асфальт көліктің тез тоқтауына кедергі келтіреді. Бұдан бөлек, 35 жүргізуші жаяу жүргіншілерді өткізбеген, төртеуі қарсы бағытқа шығып кеткен. Бұрын басқару құқығынан айырылып, рөлге отырған 14 жүргізуші әкімшілік жазаға тартылды. Мотоцикл жүргізушілеріне қатысты 53 хаттама толтырылды, — деді СҚО Полиция департаменті жергілікті полиция қызметі басқармасының бастығы Айдын Байматов.
Фото: СҚО ПД баспасөз қызметінен
