433
Бүгін СҚО-да «Қызылжар-2022» ұлттық спорт түрлері бойынша өңірлік фестиваль басталды, деп хабарлайды Qyzyljarnews.kz тілшісі.
Спорт және дене шынықтыру басқармасы баспасөз қызметінің мәліметінше, спорт мерекесі Шал ақын ауданының бірнеше ауылында өтеді. Жарыстар дене шынықтыру-сауықтыру кешені, спорт мектептері мен ипподромда ұйымдастырылады. Фестиваль бағдарламасына: бес асық, асық ату, тоғызқұмалақ, қазақ күресі, түйе палуан, жекпе-жек, көкпар, теңге алу, қол күресі, городки, аударыспақ, ат спорты түрлері енген.
Үш күнге созылатын жарысқа облыстың барлық 13 ауданының командалары қатысады. Жалпы 900-ге жуық спортшы бақ сынайды. Фестивальдің жабылуы және жеңімпаздарды марапаттау 26 маусымға жоспарланған.
