Облыстық полиция департаменті баспасөз қызметінің мәліметінше, маусымның 11-і түнде Береке ықшам ауданындағы Ыбыраев көшесіндегі аулалардың бірінде күдіктілер 3 петропавлдыққа пышақ сұққан. Ұсталғандардың біреуі уақытша ұстау изоляторында суицид жасады, деп хабарлайды Qyzyljarnews.kz тілшісі.
Жапа шеккен 29, 32 және 34 жастағы қала тұрғындары ауруханаға жеткізілген. Жедел іс-шаралар барысында полицейлер 35 пен 43 жастағы күдікті екі ер адамды анықтады.
Аталған факті Қазақстан Республикасы Қылмыстық кодексінің 24-бабы 3-бөлігі, 99-бабының 2-бөлігі бойынша Сотқа дейінгі тергеп-тексерулердің бірыңғай тізіліміне енгізілді.
Анықталғандай, қаладағы дәмханалардың бірінде тұрғындар арасында жанжал туындаған. 3 адамды пышақтап кеткен күдіктілердің бірі Петропавл қалалық полиция басқармасының уақытша ұстау изоляторында суицид жасады. Аталған факті тіркеуге алынып, Қылмыстық кодекстің 105-бабы бойынша іс қозғалды.
