Облыстық денсаулық сақтау басқармасының басшысы Нұрлан Айманов өз еркімен қызметінен кетті. Енді ол облыстық көпсалалы балалар ауруханасын басқарады, деп хабарлайды Qyzyljarnews.kz тілшісі.
Нұрлан Айманов өңірдің денсаулық сақтау саласын 2022 жылдың қаңтар айынан осы күнге дейін басқарды. Еңбек жолын 2007 жылы Алматы қалалық № 1-ші балалар клиникалық ауруханасында дәрігер интерн, балалар хирургі болып бастаған.
2008-2013 жылдар аралығында облыстық балалар ауруханасында балалар хирургі болып қызмет атқарды.
2016-да консультативті-диагностикалық емханасы бас дәрігерінің орынбасары лауазымына бекітілді.
2016-2019 жылдары Ғабит Мүсірепов ауданының орталық аудандық ауруханасын басқарды.
2019 жылдан биылғы қаңтар айына дейін СҚО денсаулық сақтау басқармасы басшысының емдеу-алдын алу жұмыстары жөнінен орынбасары қызметін атқарды.
