330
Шілдеде СҚО-да орташа айлық температура 19-21 градус шамасында болады деген болжам бар, деп хабарлайды Qyzyljarnews.kz тілшісі.
«Қазгидромет» РМК филиалының мәліметінше, бірінші онкүндікте ауа температурасы түнде 15-20-дан 10-15 градусқа дейін, күндіз 27-32-ден 22-27 градусқа дейін біртіндеп өзгереді деп күтілуде.
Екінші онкүндікте түнде 7-12 градусқа дейін, күндіз 15-20 градусқа дейін суытады. Содан кейін ауа температурасының біртіндеп түнде 13-18 градусқа дейін, күндіз 25-30-ға дейін жоғарылайды деген болжам бар. Нағыз жаздың ыстығы тек шілденің үшінші онкүндігінде ғана сезілмек. Түнде сынап бағанасы 16-21 градусқа дейін, күндіз 28-33 градусқа дейін көтеріледі. Алайда, айдың соңында күн қайта салқындайды.
Фото: ашық дереккөздерден
