Петропавлда биыл мүмкіндігі шектеулі жандарға бейімделетін 119 нысанның тізімі анықталды, деп хабарлайды Qyzyljarnews.kz тілшісі.
Қалалық әкімдік өкілдерінің мәліметінше, нысандардың негізгі үлесі білім беру саласына тиесілі – 53. Оларды қолжетімді ету үшін 37 млн. теңге қажет. Бейімдеу шаралары құрылыс нормалары мен ережелерінде белгіленген талаптарға сәйкес келуі тиіс. Қалалық жұмыспен қамту және әлеуметтік бағдарламалар бөлімінің ақпараты бойынша, наурыз айында Петропавл әкімдігі жанындағы мүгедектер ісі жөніндегі үйлестіру кеңесінің отырысында білім беру ұйымдарының қолжетімділігін қамтамасыз ету мәселесі қаралды. Оқу орындарының директорларына жұмысты қыркүйекке дейін аяқтау ұсынылды. Петропавлда 2025 жылға дейін мүмкіндігі шектеулі жандар үшін 544 әлеуметтік нысанды бейімдеу қажет.
