Фестиваль аясында Оқжетпес жартасына өрмелеуден жарыстар өтті. Өңір намысын 21 спортшы қорғады, қоржынды 4 кубокпен толықтырды, деп хабарлайды Qyzyljarnews.kz тілшісі.
Оқжетпес жартасына спорттық өрмелеудің қорытындысы бойынша 14-16 жас аралығында екінші орынды Владимир Рисс, үшінші орынды Бейсенов Мұхаммед иеленді.
17-49 жас аралығында өткен сында Қуаныш Касенов екінші Егор Калиниченко үшінші орынды еншіледі.
17-49 жас аралығындағы әйелдер арасында бірінші орынды Алена Курдюкова, екінші орынды Виктория Усольцева иеленді.
Жалпы СҚО құрамасы «Альпинизм мен құзға өрмелеуді дамытуға қосқан үлесі үшін» кубогын жеңіп алды. Алена Курдюкова мен Виктория Усольцева «Үздік әйелдер орамы» кубогын, «Үздік ерлер орамы» кубогын Константин Аксенов пен Диас Усольцев алды. Сондай-ақ команданың Мұхаммед Бейсеновке «Ең жас қатысушы» кубогы табысталды.
Айта кетейік, Бурабайдағы Оқжетпес жартасына жаппай өрмелеу сайысына Қазақстан Республикасының Мәдениет және спорт министрі Дәурен Абаев қатысты.
