Шілденің бірінен бастап елімізде gosagro.kz субсидиялаудың жаңа порталы іске кірісті. Агроөнеркәсіптік кешен субсидиялаудың мемлекеттік ақпараттық жүйесі — Qoldau жүйесін алмастырып, фермерлер үшін тегін болады, деп хабарлайды Qyzyljarnews.kz тілшісі, Qyzyljartv-ға сілтеме жасап.
Субсидиялаудың жаңа жүйесінде автоматты режимде субсидия алушылардың тізілімін қалыптастыру, олардың экономикалық қызмет түрлерінің жалпы жіктемесі бойынша ауыл шаруашылығы өндірушілері санатына сәйкестігін тексеру көзделген. Сонымен қатар, субсидияны алу кезектілігі мен қанағаттандырылмаған өтінімдерді күту парағы жүргізілетін болады.
— Жаңа сайт көп функциялы болса да, онда бәрі түсінікті болады. Барлық дерекқорларды біріктіру арқылы максималды автоматтандыру функциясы іске асырылады. Сондай-ақ, күту парағының функционалдығын іске қосу керек,-дейді Ауыл шаруашылығы және жер қатынастары басқармасы басшысының орынбасары Қайрат Сансызбаев.
