Конференциялар лигасының 3-іріктеу кезеңіндегі матчта «Қызыл-Жар» кипрлік АПОЭЛ командасынан жеңіліп қалды, деп хабарлайды Qyzyljarnews.kz тілшісі.
Чемпиондар лигасы және Еуропа лигасы топтық кезеңдерінде азулы қарсыластарымен сынға түскен «Қызыл-Жар» үшін аталған кездесу оңай соқпайтыны белгілі еді. Алғашқы минуттан АПОЭЛ ойыншылары белсенділік танытып, шабуылдарды үдетті. Петропавлдық клуб футболшылары негізінен қорғанысқа көңіл бөлді.
Соған қарамастан кипрлік команда сапынан Георгиос Эфрем 27-минутта «Қызыл-Жар» қақпасына гол соғып кетті. Бұдан кейін АПОЭЛ гол соғатын бірнеше мүмкіндігін құр жіберіп алды. Екінші кезеңде кипрлік команда есепті ұлғайту жолын қарастырды. Алайда таблодағы есеп өзгерген жоқ. «Қызыл-Жар» қарсыласына 0:1 есебімен жол берді. Енді қарымта кездесу 11 тамызда Нұр-Сұлтан қаласында өтеді.
