379
Петропавлдық «Қызыл-Жар» клубының президенті Григорий Лорияға 612,6 мың теңге айыппұл салынды, деп хабарлайды Qyzyljarnews.kz тілшісі.
Мұндай шешімді тәртіптік бақылау комитеті «Ақжайық» командасымен өткен кездесу өткізген Қазақстан кубогының матчынан кейін шығарды.
Матчтың ресми өкілдеріне балағат сөз айтқаны үшін тәртіптік бақылау комитетінің 53-бабы бойынша «Қызылжар СК» президенті Григорий Лорияға 200 АЕК (612,6 мың теңге) айыппұл салынды. Лория 2022 жылдың 2 қыркүйегіне дейін бұл айыппұлды төлеуі керек, – делінген хабарламада.
Мамыр айында Лория ҚФФ мен ҚКФЛ ұйымдастыратын жеті ойыннан шеттетіліп, 150 АЕК айыппұл арқалаған болатын.
