СҚО әкімі Құмар Ақсақалов өңірдегі қант бағасы туралы айтты, деп хабарлайды Qyzyljarnews.kz тілшісі.
— Қанттың бастапқы бағасы-480 теңгені құрайды. Бақылауда тұрған 19 әлеуметтік маңызы бар өнімнің 15-ін облыс аумағында өндіреміз, — деп атап өтті өңір басшысы.
Сондай-ақ, өңір жетекшісі өңірімізде қант қызылшасын өсіруден кезінде неліктен бас тартылғаны жайлы айтты.
— Өңірімізде 2016 жылы қант қызылшасын өсіруге талпыныс болды. Бірақ оны өңдейтін зауыттар елдің оңтүстігінде болғандықтан және логистика бойынша қиындықтар болуын ескере отырып қант қызылшасын өсіруден бас тарттық. Қызылша бидай емес, оны ұзақ уақыт сақтауға болмайды. Өзімізде осындай зауыттарды салу үшін тиісті өнім қажет. Сондықтан біздің аймақтағы бизнес қауымдастық мұнымен белсенді айналыспайды. Мұнда үлкен инвестиция қажет, -деді Құмар Ақсақалов.
Pixels иллюстрациялық суреті
