СҚО-да жұмыс берушілер өз қызметкерлері үшін жарна төлемегенінің салдарынан сақтандырылмаған адамдар саны көбейді, деп хабарлайды Qyzyljarnews.kz тілшісі.
Әлеуметтік медициналық сақтандыру қоры филиалының мәліметінше, төлемдер бойынша қарыз 31,3 млн. теңгені құрады. Бұл ретте оның 60% — ы Ғ. Мүсірепов және Тайынша аудандарына тиесілі.
— Аймақтың 97 607 тұрғыны сақтандырылмаған, бұл жалпы халықтың 18,3% құрайды. Жас санатын талдау кезінде олардың басым бөлігінің еңбекке қабілетті жасы — 30-40 жас (32%) және 41-50 жас (25%) екені анықталды, — деді филиал директоры Лариса Гордеева.
Айта кету керек, бірінші жартыжылдықта Солтүстік Қазақстан облысының тұрғындары үшін қорға 6,8 млрд. теңге түсті. 2017 жылдан бастап 2022 жылдың маусымына дейін аударымдар мен жарналардың жалпы сомасы 28,4 млрд. теңгені немесе ел бойынша түсімдердің 2,4%-ын құрады.
