СҚО-да жол ережесін бұзған мотокультиватор жүргізушілері жазаланып жатыр

Авторы: Qyzyljar News

Солтүстік Қазақстан облысында тек Мамлют ауданында ғана соңғы екі аптада мотокультиватормен жол жүру ережесін бұзған 12 адам жазаланды, деп хабарлайды Qyzyljarnews.kz тілшісі.

СҚО полиция департаменті баспасөз қызметінің мәліметінше, мотокультиваторларды көлік құралы ретінде пайдалануға болмайды. Бұл техника түрі тек жер учаскесін жыртуға арналған. Дегенмен, ауыл тұрғындары оны қозғалыс құралы ретінде пайдаланып, адамдарды тасымалдайды.

– Ауыл тұрғындары мотокультиваторларымен елді мекеннен алыстап, тіпті тас жолдарға да шығып кетеді, мас күйде жүретіндері де бар, кейде кәмелетке толмағандар да тізгіндейді. Мамлют ауданында күздің басында патрульдік полиция тобының қызметкерлері культиваторлардың иелеріне қатысты 12 хаттама толтырды. Оған жолаушылар мен жүк тасымалдау ережелерін, жолда жүру ережелерін бұзу негіз болды. Ал бір көлік иесі оны мас күйінде тізгіндегені үшін жауапқа тартылды, — дейді Мамлют ауданы полиция бөлімі бастығының міндетін атқарушы Иса Мұстафин.

Маманның айтуынша, мұндай техника иелері жолда жүру ережелерін білмейді. Мотокультиватормен жүріп келе жатып, жалт бұрыла салуы мүмкін. Салдарынан жол-көлік оқиғасы орын алады.

Фото: СҚО ПД баспасөз қызметі

Ұқсас жаңалықтар

Қазақстан Республикасы Ақпарат және қоғамдық даму министрлігі Ақпарат комитетінде 2022 жылғы 20 қаңтарда тіркеліп, №KZ76VPY00045027 куәлігі берілген.

Меншік иесі:  

СҚО әкімдігінің «Қызылжар-Ақпарат» ЖШС.

Яндекс.Метрика

Директор —

Ербақыт Амантайұлы

Сайттың бас редакторы —

Аманжол Нұртазин, aman_nurtazin@mail.ru

Тілші:

Мадина Нуркина, +77057396494, Nurkinamad@mail.ru

SMM-менеджер:

Айжана Шайкенова,

+77782191267

nadyasaf070@gmail.com

@2022 — Designed and Developed by qyzyljarnews.kz