Ikomek-109 ахуалдық орталығына бір апта ішінде 62 шағым түсті, деп хабарлайды Qyzyljarnews.kz тілшісі.
Өткен аптада ахуалдық орталыққа 80% -ы консультативтік сипаттағы сұрақтардан тұратын 546 өтініш келіп түскен. Аппараттық кеңес барысында орталықтың басшысы Ернар Байсейітов бүгінде келіп түскен өтіштердің 490-ы орындалғанын атап өтті.
— Тұрғындар Сәбит Мұқанов көшесіндегі №10 мектеп аумағында апатты жағдайдағы ағаштарды кесуді сұрайды. Сондай-ақ, Сенная көшесін абаттандыру бойынша, «Береке» шағынауданының саябағындағы орындықтар, субұрқақ, балалар ойын алаңы, шамдар мен 10 тренажерді жөндеу қажеттігі бойынша шағымдар түсірді, — дейді Ернар Байсейітов.
Сонымен қатар, қала тұрғындарының басым көпшілігі тұрғын үй-коммуналдық шаруашылығының өткен жылдан бастап Алматы көшесі, 6-үйдегі бетон плиталарды алмағанына наразы.
-Заңсыз орнатылған гараждардың кесірінен плиталарды шығару мүмкін болмай тұр. Бұл блоктардың иесі — «Петропавл жылу желілері» ЖШС,- дейді Ikomek-109 ахуалдық орталығының басшысы Ернар Байсейітов.
