Қазақстан халқы тілдерінің күні мерекесі аясында қыркүйектің 16-сы «CITY MALL» сауда үйінде «Білімді мыңды жығады» тақырыбында интеллектулды ойын өтті, деп хабарлайды Qyzyljarnews.kz тілшісі.
Шараны Тілдерді оқыту орталығы мен СҚО «Қазақ тілі» қоғамы бірлесе өткізді. Интелектуалды ойынның мақсаты мемлекеттік тілді білуге деген қызығушылықты арттыру, тіл мәдениетін көтеру, ұлттық құндылықтар мен мәдениетімізді дәріптеу және Орталық арқылы тілдерді тегін оқу мүмкіндігі бары туралы хабарлап, қала тұрғындарын қазақ-ағылшын тілдерін оқып-үйренуге тарту болды. Ойынға жиналған қала тұрғындарынан 4 команда құрылды. Команда мүшелері «Тез-тез тест», «Тапқырлық таныт», «Сурет-Сұрақ», «Кино», «Спортсыз болмайды», «Шекаралас», «Оңай емес» бөлімдері бойынша сайысқа түсті. Берілген сұрақтарға 1 минут ішінде смартфон немесе басқа да электронды құрылғыларды пайдаланбай, жауапты тек қана қазақ тілінде беру шарты қойылды. Қазылар алқасы ойыншыларды тілдерді меңгеру деңгейілеріне, жауаптардың нақты әрі дұрыс, орфоэпиялық тұрғыдан таза сөйлеулеулеріне қарай бағалады. Шара соңында ойы озық ойыншылар естелік сыйлықтармен марапатталды.
Фото: ашық дереккөздерден.
