Солтүстік Қазақстан облысының әкімі Құмар Ақсақаловтың өкімімен Тайынша ауданының әкімі тағайындалды, деп хабарлайды Qyzyljarnews.kz тілшісі.
Берік Әлжанов 1976 жылғы СҚО Есіл ауданы Чириковка ауылында туған. Екi жоғары бiлiмi бар: 1993-1998 жылдар аралығында С. Сейфуллин атындағы аграрлық университетте мал дәрiгерi, 2011-2013 жылдар аралығында «Көкше» академиясында экономика, қаржы мамандықтары бойынша бiлiм алған.
Еңбек жолын туған ауылында физика пәнiнiң мұғалiмi болып бастаған ол, кейіннен 2001-2007 жылдар аралығында Ауыл шаруашылығы министрлігінің Есiл аудандық аумақтық басқармасы құрылымдық бөлiмшесiнiң жетекшi маманынан басшысына дейiнгi лауазымдарды атқарды. 2007-2010 жылдар аралығында Есiл ауданы ауыл шаруашылығы бөлiмiнiң басшысы , 2010-2015 жылдары СҚО ауыл шаруашылығы басқармасы ветеринария бөлiмiнiң басшысы, одан кейін 2015-2019 жылдары СҚО әкiмдiгiнiң ветеринария басқармасы басшысының орынбасары, басшысы болған.
Тайынша ауданының бұрынғы әкімі Руслан Аңбаев тамыздан бері Петропавл қаласының әкімі екенін естеріңізге сала кетейік.
