СҚО-ның 2 спортшысы Испаниядағы Еуропа чемпионатында жүлделі орынға ие болды

8-9 қазанда Испанияның Барселона қаласында кекушинкай каратэден Еуропа чемпионаты өтті. Оған 17 елден 500-ден астам қатысушы қатысты, деп хабарлайды Qyzyljarnews.kz тілшісі.

Үздік нәтиже көрсеткендердің қатарында, Кумите пәні бойынша бірінші орынға Тимур Райымбеков, Анар Сүйіндікова, Дамир Мырзалин, Жібек Алтекова, Ұлжан Нұреке мен Диас Қадыров қол жеткізсе, екінші орынды Алексей Рясков, Малика Рақымжанова мен Илья Опалев жеңіп алды. Ал үшінші орынға Родион Разумов пен Нұрсұлу Дауталина ие болды.

Ката пәні бойынша: 1 орынды Әбілмансұр Еслямов жеңіп алса,  Айбат Жақан пен Ұлжан Нұреке 3 орынды місе тұтты.