Петропавл әкімдігінде әуесқой командалар арасында футболдан қала чемпионатының жеңімпаздары мен жүлдегерлері марапатталды, деп хабарлайды Qyzyljarnews.kz тілшісі.
Қалалық әкімдіктің баспасөз қызметінің мәліметінше, «А» және «В» лигасының жеңімпаздарына 100, 150 және 250 мың теңгелік сертификаттар, медальдар, кубоктар берілді. Сондай-ақ үздік ойыншы, шабуылшы, қақпашы және қорғаушы аталымдары бойынша үздіктер де марапатталды.
— Петропавлда дене шынықтыру мен салауатты өмір салтын дамытуға ерекше көңіл бөлінеді. Қала тұрғындарын бұқаралық спортқа баулу үшін аулаларды, скверлерді, спорт алаңдарын көркейту жұмыстары жүргізілуде. Спорт нысандары ашық және халық үшін қолжетімді, — деді баспасөз қызметі.
Айта кету керек, аталған чемпионатқа 20 команда қатысты. Жарыс бес айға созылып, осы уақыт ішінде 200 матч өтті.
