ОСК-да Қазақстан Республикасы Президенттігіне қанша кандидат заң талаптарына сәйкес келетіні белгілі болды, деп хабарлайды Qyzyljarnews.kz тілшісі.
— Жалпы 12 кандидат өз құжаттарын Орталық сайлау комиссиясына тапсырды. Өз кезегінде біз құжаттардың заң талаптарына сәйкестігін тексеріп, заңға сәйкес жұмыс жүргіздік. Бүгін үш үміткердің заң талаптарына сәйкестігі белгілі болды. Тағы бір кандидатқа қатысты сот процесінің нәтижелері бойынша шешім шығарамыз. Жалпы кандидаттардың заң талаптарына сәйкестігін толық қарастырдық, — деді Қазақстан Республикасы Орталық сайлау комиссиясының хатшысы Мұхтар Ерман.
Осылайша, Қасым-Жомарт Тоқаевтың, Мейрам Қажыкеннің, Жигули Дайрабаевтың, Қарақат Әбденнің, Жұматай Әлиевтің, Салтанат Тұрсынбекованың, Бақыт Жаңабаевтың кандидатуралары Қазақстан Республикасының Конституциясымен және «Қазақстан Республикасы сайлау туралы» Конституциялық заңымен қойылатын заң талаптарына сәйкес келеді.
