Елімізде жыл басынан әлеуметтік маңызы бар азық-түлік бағасы 20,1% қымбаттады, деп хабарлайды Qyzyljarnews.kz тілшісі Ұлттық статистика бюросына сілтеме жасап.
– Әлеуметтік маңызы бар азық-түлік тауарларына бағалар өткен аптада – 0,2%, ай басынан – 0,5%, жыл басынан 20,1% өсті. Жылдық мәнде 19,6% қымбаттады, бұл 2021 жылдың ұқсас кезеңімен салыстырғанда 4,1 пайыздық тармаққа жоғары, — делінген мәліметте.
Статистика дерегіне сүйенсек, өткен аптада пияз – 2,6%, сәбіз – 1,7%, картоп – 0,9% арзандаса, жұмыртқаның І категориясы – 1,9%-ға қымбаттаған. Қазақстан бойынша әлеуметтік маңызы бар кейбір тауарлардың орташа бағасы 2022 жылғы 18 қазандағы жағдай бойынша, қарақұмық – 524 тг/кг, картоп – 152 тг/кг, айран, 2,5% – 345 тг/л құрады. Айта кетейік, әлеуметтік маңызы бар азық-түлік тауарларының тізбесіне 19 атау кіреді.
