СҚО-дағы Қызыләскер ауылында Қазақстан Республикасы күнін мерекелеу шеңберінде «Чемпион» көп функциялы спорт кешенінің ашылу салтанаты өтті Qyzyljarnews.kz тілшісі.
Нысан әлеуметтік әріптестік шеңберінде осы шаруашылықтың демеушілік қаражаты есебінен салынды. Қызыл лентаны аудан әкімі Владислав Лукин мен аудандық мәслихат депутаты, «Кызыласкерское» ЖШС директоры Валерий Кейсарчук кесті.
Ашылу салтанатынан кейін мәдениет үйінде ауданның және округтің әлеуметтік-экономикалық дамуына үлес қосқандар алғыс хаттармен марапатталды. «Кызыласкерское» ЖШС-нің директоры Валерий Кейсарчук шаруашылықтағы жұмысшылардың орасан зор еңбектерін атап өтіп, оларға естелік сыйлықтар табыс етті.
Шара соңында облыстық филармония әртістерінің қатысуымен мерекелік концерт өтті.
