Петропавлдағы «Солнечный 2» шағын ауданында жеке тұрғын үй салуға 1,5 мың тегін жер телімі дайындалды. Барлығы 2000 жер учаскесі берілмек Бұл туралы облыс әкімі Құмар Ақсақалов өзінің әлеуметтік желідегі парақшасында жазды, деп хабарлайды Qyzyljarnews.kz тілшісі.
Жер учаскелеріне инженерлік инфрақұрылым оның ішінде су, электр және жол тартылған. Шағын ауданда барлығы 105 км электр желісі, 54 қосалқы станса, 72 км су құбыры, 78 км жол салынды. Ықшам ауданда мектеп те салынады. Сонымен қатар, «Южный» шағын ауданында тағы 1 мың тегін жер телімі беріледі. Қазір онда инфрақұрылымдық жұмыстар аяқталуда,-деді жазды Құмар Ақсақалов.
Осылайша, облыс орталығында қала тұрғындарына жеке үй салу үшін 3 мың тегін жер телімі беріледі. Естеріңізге сала кетейін, қазір Петропавлда 16,5 мың адам жеке тұрғын үй құрылысына кезекте тұр. Тегін жер телімдері кезек бойынша беріледі. Бұл процесс ашық болуы тиіс. Ол үшін арнайы комиссия құрылып, оның құрамына қоғам белсенділері, журналистер, депутаттар мен қоғамдық кеңес өкілдері кіреді
