СҚО-да «Заң керуені» дәстүрлі ауқымды акциясы басталды. Акция облыс орталығынан ең шалғай аудандарда Уәлиханов және Ақжар аудандарында өтеді, деп хабарлайды Qyzyljarnews.kz тілшісі.
Аз уақыт ішінде тұрғындар өз сұрақтарын қойып, мәселелерді сол жерде шеше алады. Мұндай акция бұның алдында Петропавл қаласында, Мамлют, Аққайың және Мағжан Жұмабаев ауданында өтті. Аталған акция солтүстікқазақстандықтарға көмек көрсетудің пәрменді тәсілі ретінде көрсетті. Егер мамандар бірден жауап бере алмаса, онда мәселе ерекше бақылауға алынып, қысқа мерзімде шешіледі.
Оның мақсаты халыққа жедел құқықтық көмек көрсету, құқықтық мәдениет деңгейін арттыру, заңдарды түсіндіру, заңды құқықтарын іске асыру мүмкіндігі жоқ әлеуметтік топтарды анықтау, қоғамдық қауіпсіздік пен құқықтық тәртіпті нығайту болып табылады.
