Солтүстік Қазақстан облысында он жылдан астам жұмыс істемей тұрған өндірістік ғимараттарды қалпына келтіру жалғасуда, деп хабарлайды Qyzyljarnews.kz тілшісі.
Өнеркәсіп саласындағы инвестициялық жобалар бойынша онлайн-турда аймақ басшысы Құмар Ақсақалов ғимараттардың 67% — ы қалпына келтірілгенін хабарлады.
— Біз 90-шы жылдардан бастап қаңқасы қалған бос тұрған ғимараттарды белсенді түрде қалпына келтіріп жатырмыз. Олардың негізінде жаңа жобаларды іске асырамыз. Бес жыл бұрын оларға ревизия жүргізілді. Нысандардың жалпы ауданы шамамен 300 мың шаршы метрді құрады. Тағы 100 мың шаршы метрді қалпына келтіру қажет. Біз елімізде алғашқылардың бірі болып тиісті қаражат бөле отырып, осындай аумақтарды қалпына келтіру жөніндегі арнайы құралды іске асырып жатырмыз. Кәсіпкерлерді осы жұмысқа қосылуға және өз жобаларын іске асыруға шақырамын, — деді Құмар Ақсақалов.
