2022 жылғы 10-12 қараша аралығында Петропавлда кикбоксингтен Қазақстан кубогы өтті, деп хабарлайды Qyzyljarnews.kz тілшісі.
Жарысқа барлығы 12 команда қатысты. СҚО құрама командасының құрамында Ұлттық ұлан академиясының курсанттары да өнер көрсетті. Жарыс қорытындысы бойынша 91+ кг салмақ дәрежесінде 4 курс курсанты Бексұлтан Алпысбаев кикбоксингтен Қазақстан кубогының чемпионы атанып, спорт шебері нормативін орындады.
Сондай-ақ, 60 килограмм салмақ дәрежесінде 3 орынды курсант Аймырза Бақытқалиев, 63 килограммда 2 орынды курсант Нұрсұлтан Кәрімханов, 63,5 килограмм салмақ дәрежесінде 3 орынды курсант Исабек Әбілев, 71 кг салмақ дәрежесінде 3 орынды курсант Елдос Аманбай пен 91 килограмм салмақта жұдырықтасқан Досымжан Әмір 3 орынды иеленді. Жарыстың жеңімпаздары мен жүлдегерлеріне кубоктар, грамоталар және бағалы сыйлықтар табыс етілді.
