Солтүстік Қазақстан облысының әкімі Құмар Ақсақалов өзінің әлеуметтік желідегі парақшасында өңірдің тоғыз айдағы әлеуметтік-экономикалық даму қорытындылары туралы жазды, деп хабарлайды Qyzyljarnews.kz тілшісі.
– Облыстың экономикалық белсенді халқының саны 296 мың адамды құрайды. 9 айда облыста 22,8 мың адам жұмысқа орналасса, оның 21,1 мыңының зейнетақы жарналары бар. БЖЗҚ мәліметі бойынша, бірыңғай жинақтаушы зейнетақы қорына аударымдар саны өскен. Өткен жылдың 9 айында 230 мың жарна тіркелсе, 2022 жылдың сәйкес кезеңінде бұл көрсеткіш 244 мыңға жеткен. Ресми деректерге сәйкес, биылғы жылдың 9 айында салымшылардың шотына 29,5 млрд. теңге зейнетақы жарналары түскен. Ал өткен жылы 23,5 млрд. тг түсті. Бір жылда өсім 25,7 % құрады, — деп жазды облыс әкімі өзінің әлеуметтік желідегі парақшасында.
