Солтүстікқазақстандық полицейлердің бейнетехника паркі 58 нысанға көбейді, деп хабарлайды Qyzyljarnews.kz тілшісі.
16 қараша сағат 00:00-де Петропавл қаласында жол жүру ережесін бұзушылықтарды тіркейтін жаңа аппараттық-бағдарламалық кешен жұмысын бастады. Олар жылдамдық режімін бұзуды және тоқтау сызығынан, бағдаршамның тыйым салынған белгісінен өтуді анықтауға арналған. “Ақылды” техника автоматты режімде заң бұзушылықты тіркеп, көліктің маркасы мен мемлекеттік нөмірін анықтайды.
28 жаңа аппараттық-бағдарламалық кешеннің Limit-S 8 жылдамдық өлшеуіші жолдардың желілік учаскелерінде орнатылған. Олар екі бағытқа бұрылып, 250 км/сағатқа дейінгі жылдамдықты асыруды тіркей алады. Н.Назарбаев көшесінің Ғ.Мүсірепов пен Шәжімбаев көшелерімен қиылысатын тұстарында “Argus-Қиылыс” кешені жұмысын бастады. Петропавлдың айналма жолында, сондай-ақ Қызылжар, Мамлют пен Тимирязев аудандарында “Ағын” жүйесімен біріктірілген төрт “Argus-Рубеж” кешені іске қосылады.
Фото: СҚО ПД баспасөз қызметі
