Биыл Петропавлда 2 024 пәтерлі 34 коммерциялық тұрғын үй салынуда, деп хабарлайды Qyzyljarnews.kz тілшісі.
Облыс әкімінің орынбасары Сәтжан Аблалиевтің айтуынша, қалада Астана, Алматы, Қарағанды, Көкшетау қалаларынан келген құрылыс компаниялары және жергілікті мердігерлер жұмыс істеуде. «YDA» компаниясы — мемлекеттік-жекеменшік әріптестік бойынша көпсалалы аурухана салған компания енді 2 гектар аумақта 18 қабатты тоғыз үйден тұратын заманауи квартал салуға ниетті. Бүгінгі таңда жобалық жұмыстар жүргізіліп жатыр.
Сәтжан Аблалиев Жамбыл көшесі бойындағы құрылысы ұзақ мерзімге созылған ғимараттың жерасты паркингі бар 14 қабатты 4 тұрғын үйі бар сауда орталығына айналатынын жеткізді. Оның ерекшелігі ауласы екінші қабат деңгейінде орналасады. Келесі жылы Жәлел Қизатов көшесінде 485 пәтерлі 15 және 21 қабатты үйлері бар каскадтық кешен мен Шухов көшесінде жерасты паркингі бар 323 пәтерлі көпқабатты үйлердің құрылысы басталады.
