СҚО полицейлері есірткі айналымына қатысты күдікке ілінген 23 жастағы қала тұрғынын іздестіріп жатыр, деп хабарлайды Qyzyljarnews.kz тілшісі.
Петропавл тұрғыны Александр Матвеев биыл тамыз айының ортасында есірткімен байланысты қылмыс бойынша күдікке ілініп, тексеріс кезінде одан “тұз” деген атаумен белгілі 4,77 грамм α-PvP синтетикалық есірткісі тәркіленген. Кейінгі уақытта күдікті соттан жалтарып, қайда жүргені белгісіз. Тергеу органдары оны қамауға алу түріндегі бұлтартпау шарасын қолдану туралы өтінішхат жолдады. Ерекше белгілері: бойы– 190-195 см, дене бітімі – арық, шашы – қысқа, көзі – қоңыр. Полиция қызметкерлері оның жүрген жері туралы қандай да бір ақпарат болған жағдайда, 8 (7152) 61-93-75, 61-93-65, +7-776-580-80-82 телефонына немесе “102” арнасына хабарлауды сұрайды.
