267
Алматы-2 – Петропавл арасында қатынайтын Тальго жолаушылар пойызы бір аптаға тоқтатылды, деп хабарлайды Qyzyljarnews.kz тілшісі «Қазақстан темір жолы» ҰК» АҚ баспасөз қызметіне сілтеме жасап.
– Ұлттық тасымалдаушы осы жылдың 8, 10, 12, 14 желтоқсанында Алматыдан жөнелтілетін, 9, 11, 13, 15 желтоқсанда Петропавлдан келетін / жөнелтілетін жолаушылар пойыздарын тоқтатады, — делінген хабарламада.
«Жолаушылар тасымалы» АҚ пойыз қозғалысы Қарағанды облысының Қарабас өткеліндегі магистральдық теміржолда жөндеу жұмыстары жүргізілуіне байланысты тоқтатылғанын атап өтті. Жолаушылар пойыздардың қозғалыс кестесі өзгергені туралы ақпаратты «1433» бірыңғай телефон анықтамалық қызметі арқылы ала алады. Ал жолаушыларға билет құны толық қайтарылады.
