Далада жидек теріп жүрген 49 жастағы ауыл тұрғынын өлтіру туралы резонанстық іс бойынша тыңдау 8 желтоқсанда СҚО-да өтті, деп хабарлайды Qyzyljarnews.kz тілшісі.
«Астана» телеарнасының мәліметінше, сот алдында бас куәгер – бұрынғы ауылдық учаскелік полицейі сөз сөйлеуі тиіс еді. Қаза тапқан Алтынай Мұздақбаеваның туыстары мен ауылдастары төрт айдан бері одан болған оқиғаның нұсқасын тыңдағысы келетіндерін айтқан. Ал, кейбір куәгерлердің айтуынша, 61 жастағы сотталушы Сергей Лосенянің еш кінәсі жоқ. Айыптау қорытындысы бойынша, ауыл тұрғыны жидек теріп жатқан әйелді байқаусызда атқан. Сотталушының ұлы әлі күнге дейін әкесінің осындай ауыр бап бойынша сотталғанына сене алмай жүр. Ол әкесіне қысым жасалғандықтан біреудің кінәсін өз мойнына алуы мүмкін екенін жасырмады.
