СҚО полицейлері “Құқықтық тәртіп” ЖПІШ өткізіп жатыр, – деп хабарлайды деп хабарлайды qyzyljarnews.kz тілшісі.
Операция СҚО аумағында желтоқсанның 12-сі бастау алды. Полиция қызметкерлерімен екі күнде тұрғылықты жерлері бойынша 1300 “есептегі тұлға” тексеріліп, отбасылық жанжалқорлардың мінез-құлықтарына қойылған ерекше талаптардың 6 бұзушылығы, шартты түрде мерзімінен бұрын босату режимінің 7 бұзушылығы анықталды. Сондай-ақ қараусыз қалған ғимараттар, саяжай үйлері, жалдамалы пәтерлер тексерілді. Түнгі рейдтер барысында жасөспірімдердің түнгі уақытта үйден тыс жерде болуының 38 фактісі анықталды, ата-аналары әкімшілік жауапкершілікке тартылды.
– Құқықтық тәртіп” жедел-профилактикалық іс-шарасының мақсаты – қоғамдық қауіпсіздікті нығайту, криминогендік факторларды төмендету. Бірқатар аудандардың тұрғындарынан ИЖ-58 и ТОЗ-БМ, ТОЗ-34 ЕР тіркелмеген тегіс ұңғылы мылтықтары, сондай-ақ маркасы әзірше белгіленбеген 4 мылтық алынды. Алынған барлық мылтықтар сараптамаға жіберілді, – дейді СҚО ПД ЖПҚ басқармасы бастығының міндетін атқарушы Александр Розбах.
М.Жұмабаев ауданының және Петропавл тұрғындарынан ойық ұңғылы қаруларға колибрі 5,6 және 5,45 патрондар табылды. Петропавл қаласының аумағында іздеудегі екі қылмыскер анықталды.
Фото: ашық дереккөздерден.
