Облыс әкімі Айдарбек Сапаров Мағжан Жұмабаев ауданында болып, әлеуметтік нысандардың жұмысымен танысып, аудан тұрғындарымен кездесті, деп хабарлайды qyzyljarnews.kz тілшісі.
Қазіргі таңда ауданда бірқатар өзекті мәселелерді шешу керек. Бұл жолдарды жөндеу, балабақшаны ашу және су желілерін жөндеу. Осы факторлардың барлығы ауылдың сақталуына тікелей әсер етеді.
-Келесі жылы аудандық ауруханадағы хирургиялық бөлімше мен медициналық нысандар күрделі жөндеуден өтеді. Ауруханаға қажетті медициналық құрал-жабдықтар алынады. Мектептер, су желілері мен ауылішілік жолдарды жөндейміз. Сондай-ақ Булаевода 45 пәтерлік тұрғын үйдің құрылысы жалғасады. Жалпы аудан басшылығы инвесторларды тарту, жұмыс орындарын құру, бюджетті толық игеру және жаңа жобаларды жүзеге асыру бағытында жұмыс атқаруы тиіс, — деп жазды өңір басшысы Айдарбек Сапаров.
Фото: ашық дереккөздерден.
