2022 жылғы 26 желтоқсанда Петропавл қаласының оқушылар сарайында Қазақстан Республикасы Ұлттық ұлан академиясының әскери қызметшілерінің балаларына арналған жаңажылдық ертеңгілік өтті, деп хабарлайды Qyzyljarnews.kz тілшісі.
Ұлттық ұлан академиясы жыл сайын әскери қызметшілердің балаларына арналған жаңа жылдық ертеңгілік ұйымдастырады. Бұл жолы балалар корпоративіне 100-ден астам бала жиналды.
Іс-шара Аяз Ата, Ақшақар және басқа да ертегі кейіпкерлерінің қатысуымен ойын-сауық қойылымынан басталды. Жас көрермендер үшін түрлі байқаулар мен викториналар өткізілді.
Сондай-ақ, іс-шара барысында ЖОО әскери қызметшілерінің балалары арасында Үздік жаңа жылдық құттықтауға арналған бейнеконкурста жеңіске жеткен балалар марапатталды.
Іс-шара соңында Аяз Ата барлық қатысушыларды келе жатқан Жаңа жылмен құттықтап, балаларға тәтті сыйлықтар табыс етті.
Фото: ашық дереккөздерден.
