2022 жылдың желтоқсан айының қорытындысы бойынша ет өнімдерін қоса алғанда, ет бағасы бір жылда 16,6%-ға өскен, деп хабарлайды Qyzyljarnews.kz тілшісі.
Бір жылда Маңғыстау облысында ет өнімдері бірден 22,6%-ға қымбаттады. Көш соңында — Павлодар (21,7%) мен Солтүстік Қазақстан (21,5%) облыстары. Ең төменгі жылдық баға өсімі Ұлытау облысында байқалды — 9,7%.
Жылдық динамикада ет пен құс еті 15,4%-ға, шұжық — 22,2%-ға, ет өнімдері — 15,9%-ға қымбаттады. Ет өнімдерінің ішінде құс еті бір жылда 29,4%-ға, жылқы еті — 16,7%-ға, шошқа еті — 14,3%-ға, қой еті — 12,9%-ға, сиыр еті — 10,1%-ға өсті. Сондай-ақ қайнатылған шұжық — 23,6%-ға, жартылай ысталған шұжық — 22,2%-ға қымбаттады.
Тауық жұмыртқасының өндірісі бір жылда 4,9%-ға артты. Шаруашылықтарда 5,9 млн тонна сиыр сүті сауылды, бұл өткен жылмен салыстырғанда 2,1%-ға артық. Ірі жануарлардың тері өндірісі бір жылда 0,7%-ға, 2,9 млн данаға дейін өссе, ұсақ жануарлардың терісі керісінше 0,5%-ға, 6,6 млн данаға дейін төмендеді 2022 жылдың 31 желтоқсанынан бастап Ауыл шаруашылығы министрінің бұйрығына сәйкес Қазақстанда ауыл шаруашылығы жануарларын ел аумағынан әкетудің жаңа ережелері бекітіліп, сандық шектеулер енгізілді.
