188
Ақтау мен Ақтөбеде мемлекет басшысының резиденциялары балалардың игілігіне беріледі, деп хабарлайды Qyzyljarnews.kz тілшісі.
Резиденцияны беру туралы ақпаратты екі қаланың әкімдігі растады. Алайда әзірге қала әкімдіктері онда қандай ұйымдар орналастыратынын шешпеген.
– Мүмкін лагерь, мүмкін емдеу орталығы, оңалту орталығы немесе балабақша болуы мүмкін. Енді оны мемлекеттік органдармен келісіп, заңды түрде ресімдеу керек. Беруіміз керек, бірақ жай ғана бере алмаймыз, оны жабдықтауымыз керек, – деді Ақтөбе облысы әкімі аппараты басшысының орынбасары Ержан Байтанаев.
