Сәрсенбіде еліміздің 15 өңірінде жаңбыр жауып, боран соғып, тұман түседі

22 ақпанда СҚО-да және және еліміздің 15 облысында қолайсыз ауа райына байланысты ескерту жарияланды, деп хабарлайды Qyzyljarnews.kz тілшісі «Қазгидромет» РМК-ға сілтеме жасай отырып.

Солтүстік Қазақстан облысының басым бөлігінде жауын-шашын (жаңбыр, қар), көктайғақ болады деп күтіледі. Облыстың солтүстігінде, батысында, оңтүстігінде жаяу бұрқасын жүреді. Облыстың батысында тұман түседі. Түнде облыстың көп бөлігінде оңтүстіктен, оңтүстік шығыстан соққан желдің екпіні — 15-20 м/с, кей тұста 25 м/с болады. Петропавлда жауын-шашын (жаңбыр, қар), көктайғақ, жаяу бұрқасын жүреді деп күтіледі. Оңтүстіктен, оңтүстік шығыстан соққан желдің екпіні — 15-20 м/с, түнде 23 м/с құрайды.