Қызылжар ауданының Бескөл ауылында Наурыз мерекесі қарсаңында «Таза аула» қайырымдылық акциясы басталды. Оның аясында еріктілер жалғызілікті зейнеткерлерге, мүгедектер мен соғыс ардагерлердің аулаларын қардан тазартуға көмектеседі, деп хабарлайды Qyzyljarnews.kz тілшісі.
«Таза аула» қайырымдылық акциясы жастар ресурстық орталығының бастамасымен ұйымдастырылып жатыр. Еріктілер Қызылжар ауданы бойынша 20-дан астам қарияға көмек көрсетуді жоспарлап отыр.
– Жалғызбасты зейнеткерлерге әрқашан көмек керек. Жастар қарияларымызға қолғабыс көрсетулері қажет деп есептеймін. Біздің орталық Наурыз мерекесі қарсаңында қайырымдылық акцияна қолға алды. Қысқа уақыт ішінде бірқатар қартқа көмегіміз тиеді деп оайлымын. Бұл жолғы шара Шежіре күніне орайластырылды. Дәл осы күні ұрпақтар сабақтастығы ұлықталып, үлкендерге деген құрмет көрсетілді, – дейді Қызылжар аудандық жастар ресурстық орталығының басшысы Гүләсел Хамитова.
