270
«Астана – Петропавл» тас жолының 420 шақырымында «Mazda» маркілі көлігін тізгіндеген келіншектің «темір тұлпарының» доңғалығы тесіліп, көмекке патрульдік полиция қызметкерлері келді, деп хабарлайды Qyzyljarnews.kz тілшісі.
Оқиға Аққайың ауданының Рублевка ауылының маңында орын алды. Келеңсіз жағдайға тап болған келіншекке осы аумақта кезекшілік еткен патрульдік полиция батальонының қызметкерлері Руслан Қасымов пен Ержан Оңбаев көмекке келді. Бұл туралы көлікті тізгіндеген әйел әлеуметтік желідегі парақшасында жазып, құқық қорғау органдарының мамандарына алғысын білдірді.
Тәртіп сақшылары ұзақ сапарларды мұқият жоспарлауды, көлікті жөндеуге қажетті құрал-саймандарды бірге алып жүруді ескертеді.
