СҚО-да ірі қара малдың бруцеллез жұқтыру дерегі тіркелді

Қызылжар ауданына қарасты Байсал ауылында ірі қара малдан бруцеллез ауруы анықталды. Осыған байланыста елді мекенде шектеу іс-шараларын енгізу жоспарлануда, деп хабарлайды Qyzyljarnews.kz тілшісі.

Қызылжар ауданындағы Светлопольск ауылдық округі әкімінің шешімімен Байсал ауылында карантин енгізілмекші. Бұл туралы ашық нормативтік-құқықтық актілер порталында жарияланды.

– Ірі қара малда бруцеллез ауруының анықталғанына байланысты Солтүстік Қазақстан облысы Қызылжар ауданындағы Светлопольск ауылдық округіне қарасты Байсал ауылының Бейбітшілік көшесіне шектеу іс-шаралары белгіленсін, — делінген құжатта.