272
СҚО полицейлері психодиспансерден қашып кеткен азаматты тапты, деп хабарлайды Qyzyljarnews.kz тілшісі.
21 сәуірде Тайынша ауданының полиция бөліміне Тайынша қаласының психикалық денсаулық орталығының аумағынан белгісіз бағытта 29 жастағы адамның қашып кеткені туралы хабарлама келіп түсті. Тәртіп сақшылары іздестіру шараларына кірісті. Оларға еріктілер мен белсенділер қосылды.
Жедел-іздестіру іс-шаралары нәтижесінде 25 сәуірден 26 сәуірге қараған түні жоғалған адамның орналасқан жерін Тайынша ауданы полиция бөлімінің аға жедел уәкілі Дархан Сағидула анықтады. Психодиспансерден қашып кеткен науқастың Ақмола облысының Мариновка ауылында екендігі анықталды.
