Петропавлдағы орталық көшелердің бірнеше жол учаскесі мамырдың 10-на дейін жабық болады. Қалада жол жөндеу жұмыстары басталды, деп хабарлайды Qyzyljarnews.kz тілшісі.
Петропавл қаласы әкімдігінің хабарлауынша, жол төсемін ауыстыру жұмыстары Пионер көшесінен Абай көшесіне дейін, Абай көшесінде Пушкиннен Назарбаев көшесіне дейінгі аумақ, Назарбаев көшесінде Абай- К. Сүтішев көшелері аралығында жөнделеді.
— Жөндеу жұмыстары екі ауысымда жүргізіледі. Көлік кептелісін болдырмау үшін Пушкин-Абай, Жұмабаев-Абай, Назарбаев-Абай, Назарбаев-Интернационал, Назарбаев-Бөкетов, Назарбаев-К. Сүтішев қиылыстарында жұмыстар түнгі уақытта жүргізілетін болады. Жолдарды жөндеу кезеңінде №№4а, 4М, 9, 20М, 23м, 25М, 31, 7, 101 қалалық маршруттардың қозғалыс сызбасы өзгереді, — дейді қала әкімдігінің баспасөз қызметі.
