СҚО полицейлері арнайы мақсаттағы бөлімше қызметкерлерін мерейтойымен құттықтады, деп хабарлайды Qyzyljarnews.kz тілшісі.
Полицияның арнайы мақсаттағы бөлімшесінің құрылғанына биыл 25 жыл толып отыр. Осыған орай департаментте салтанатты шара өтті.
Полиция бөлімшесінің қызметкерлері жедел-іздестіру және тергеу іс-шараларына, қауіпті қылмыскерлерді, есірткі сатушыларды, ұйымдасқан қылмыстық топтардың мүшелерін ұстауға ат салысады. СҚО ПД бастығы Айдын Қабдұлдинов бөлімше жауынгерлерін кәсіби мерекелерімен құттықтап, олардың құқықтық тәртіпті қорғау ісіндегі рөлін және адамдарды қорғауға, қылмыстық қол сұғушылықтардың жолын кесудегі тұрақты дайындығын атап өтті.
Бөлімшенің жетістіктері мен дамуына қосқан үлесі үшін қызметтің 12 полицейі мен ардагерінің еңбегі жоғары бағаланды. Оларға Алғыс хаттар мен грамоталар табысталды. Сондай-ақ үш жауынгер «Қазақстан полициясына 30 жыл» медалімен марапатталды.
Салтанатты рәсімнен кейін облыстық полиция ведомствосының акт залының сахнасында СҚО ПД мәдени орталығының вокалдық тобы ұйымдастырған мерекелік концерт өтті.
