68
Облыс полицейлері өткен апта ішінде «Мас жүргізуші» жедел алдын алу іс-шарасы режімінде жұмыс істеді. Алты күн ішінде облыс аумағында 32 мас күйінде автокөлік жүргізген адам ұсталды, деп хабарлайды Qyzyljarnews.kz тілшісі.
Жедел алдын алу іс-шарасы барысында жылдамдықты асырудың 156, ал маневр жасау ережелерін бұзудың 88 фактісі анықталды. Сонымен қатар көлік жүргізу кезінде телефонмен сөйлескен 170 адам ұсталып, олардың барлығы қолданыстағы заңнама талаптарына сәйкес жауапкершілікке тартылды.
