290
21 мамырда Қызылжар ауданы Соколовка ауылының маңындағы «Есіл — Петропавл» тас жолының 39 шақырымында Toyota Land Cruiser және Toyota Alphard көліктері соқтығысты, деп хабарлайды Qyzyljarnews.kz.
Өңірлік полиция департаментінің мәліметінше, жол апаты салдарынан 6 адам зардап шекті. Оқиға орнында Toyota Alphard-тағы 64 жастағы жолаушысы қаза тапты. Өзге зардап шеккендерге медициналық көмек көрсетілді.
Медициналық куәландыру актісіне сәйкес, екі жүргізуші де мас болмаған. Көлік құралдары мамандандырылған автотұраққа орналастырылды.
ЖКО фактісі 345-бабы 3-бөлігі бойынша сотқа дейінгі тергеп-тексерулердің бірыңғай тізілімінде тіркелді.
Қажетті сараптамалар тағайындалды.
