«Жас өркен» шағынауданындағы 202 пәтерлі көпқабатты тұрғын үйге байқау жарияланды. Оның басты шарты – «Отбасы банкінің» салымшысы болу және қалалық әкімдікте үй кезегінде тұру, деп хабарлайды Qyzyljarnews.kz тілшісі.
«Жас өркен» шағынауданындағы көпқабатты үйі «Нұрлы жер» бағдарламасы бойынша салынды. Баспаналы болудың басты талаптары − бастапқы жарна үшін банк депозитінде пәтер құнының 20 пайызының және салымшы ретіндегі бағалау көрсеткіштерінің жоғары болуы.
Жаңа баспанадағы бір шаршы метрінің құны – 160 мың теңге. Есептей келгенде бір бөлмелі пәтердің бағасы 5,5 млн. теңгег бағаланып отыр.
— «Жас өркен» шағынауданындағы 202 пәтерлі көпқабатты тұрғын үй байқауына бүгінде өтініштер қабылдануда, бұл науқан 14 маусымды қоса алған күнге дейін жалғасады, – дейді «Отбасы банк» АҚ СҚОФ бизнесті дамыту бөлімінің маманы.
